बेलायतको नेशनल हेल्थ सर्भिसमा कति नेपाली डाक्टर र नर्स छन् ?

आइतबार, १८ चैत २०७४

 

एजेन्सी– बेलायतको नेशनल हेल्थ  सर्भिस (एनएचएस) मा १ हजार ५ सय ३९ नेपाली कार्यरत रहेको खुलासा भएको छ । संसदीय अनुसन्धान समूहले तयार पारेको रिपोर्टमा एनएचएसमा ११ लाख १३ हजार २ सय ८८ जनशक्ति कार्यरत रहेकोमा नेपाली उक्त संख्यामा कार्यरत रहेको देखिएको हो । रिपोर्टअनुसार बेलायती नागरिक भने ९ लाख ७६ हजार २ सय ८८ छन् । यो संख्या एनएचएसको कूल जनशक्तिको ८७.५ प्रतिशत हो।

एनएचएसमा १ लाख ३७ हजार डाक्टर, नर्स तथा स्वास्थ्य पूर्वाधारका अन्य क्षेत्रमा कार्यरत रहेको पाइएको छ । तीमध्ये ६२ हजार युरोपियन युनियन मुलुकका छन् । इयुपछि सबैभन्दा धेरै भारतीय छन् । उनीहरुको संख्या १८ हजार ३ सय ४८ छ । तेस्रो नम्बरमा भने फिलिपिन्स छन् । १५ हजार ३ सय ९१ फिलिपिनोहरु एनएचएसमा काम गर्छन्। 

देशको हिसाबले एनएचएसमा २ सय २ मुलुकका मानिसहरु काम गर्छन् । जसमा सार्क मुलुकबाट नेपाल तथा भारतबाहेक पाकिस्तानका ३ हजार ३ सय ७५, श्रीलंकाबाट १ हजार २ सय ४४, बंगलादेशबाट ५ सय ९८ कार्यरत छन्।

अफ्रिकीमुलुक जिम्बाबे र नाइजेरियाले अष्ट्रेलियालाई समेत पछाडि पारेका छन् । जिम्बाबेका ३ हजार ८ स य ९९ र नाइजेरियाका ५ हजार ४ सय ५ नागरिक एनएचएसमा कार्यरत छन् । जबकि अष्ट्रेलियाका २ हजार ४० नागरिकमात्र छन् । रिपोर्टका अनुसार गरिब र द्वन्द्वग्रस्त अफ्रिकी मुलुकबाट आएको जनशक्तिले युरोपेली मुलुकलाई समेत पछाडि पारेको छ । एनएचएसमा ४ सय ८९ युगान्डा, ४ सय ६९ सुडान र ४ सय ६५ जाम्बियाका नागरिक काम गर्छन् । यस्तै, भोकमरीग्रस्त मुलक सोमालिया, क्यामरुन, मौरीसस, गाम्बिया, मलावीका भन्दा थोरै स्वीस नागरिकहरु एनएचएसमा छन् । १ सय ५७ स्वीस नागरिकमात्र एनएचएसआबद्ध छन्।

गृहयुद्धग्रस्त मुलुकका नागरिकहरु पनि एनएचएसमा आबद्ध छन् ।  सिरियाका १ सय ४८, इराकका २ सय ८९ र अफगानिस्तानका १ सय ४४ नागरिक एनएचएसमा काम गर्छन्।

नर्स कति ?

नर्सको रुपमा मात्र एनएचएसमा आबद्धको संख्याका हिसाबले भने बेलायतीहरु २ लाख ५०हजार ७ सय ८८ छन् । दोस्रो नम्बरमा फिलिपिनोहरु छन् । उनीहरुको संख्या ९ हजार ५सय ४४ छ । तेस्रो नम्बरमा भारतीय नर्स ६ हजार ३ सय १३ छन् ।  संख्याका हिसाबले बढी नर्सहरु भएका शीर्ष १० देशको सूचीमा आयरल्याण्ड, स्पेन, पोर्चुगल, इटाली, जिम्बाबे, रोमानिया, पोल्याण्ड, नाइजेरिया र घानका नागरिकहरु छन्।

डाक्टर कति ? 

बेलायती डाक्टरहरु एनएचएसमा ८१ हजार ३ सय ७६ छन् भने दोस्रो नम्बरमा भारतीय छन् । उनीहरुको संख्या ६ हजार ४ सय १३ छ । पाकिस्तानीहरु तेस्रो नम्बरमा पर्छन्् । उनीहरु २ हजार ३ सय ३० छन् । बढी डाक्टर भएका देशको शीर्ष सूचीमा आयरल्याण्ड, ग्रिस, मलेसिया, इटाली, इजिप्ट, जर्मन, नाइजेरिया, श्रीलंका र रोमानिया छन् । 


To read in your mobile download our android app from google play store. Click Here To Download App

प्रतिक्रिया दिनुहोस्

छुटाउनु भयो कि?

संघीय सांसद नै मलेसिया कामदार पठाउने भेन्डर हात पार्ने धन्दामा

सत्तारुढ दलका सांसद नै मलेसिया कामदार पठाउने भेन्डर हात पर्ने धन्दामा लागेको पाइएको छ। नौ महिनादेखि बन्द मलेसिया रोजगारी सुचारु...

के अब क्यान्सरको सहज उपचार हुनेछ ?

क्यान्सर, जो चिकित्सा विज्ञानको लागि सबैभन्दा कठिन समस्या हो । अहिलेसम्म जे-जति रोगहरु पैदा भए, ति सबैको उपचार विधि खोजिएको...

फ्राइ चिकेन र माछा धेरै खाने गर्नुभएकाे छ ? हाेसियार !

फ्राइ चिकेन र माछा धेरै खाने गर्नुभएकाे छ ? यदि हुनुहुन्छ भने विचार गर्नुहोस् फ्राइ गरिएको कुखुरा र माछाको मासुले...

फ्याटी लिभर कसरी क्यान्सरको कारण बन्नसक्छ ?

तपाईं मदिरा पिउनुहुन्छ । माछामासुको सौखिन हुनुहुन्छ । तारेको-भुटेको खानेकुरामा लोभ गर्नुहुन्छ । तर, निस्क्रिय बस्नुहुन्छ । त्यसो हो भने...

Loading...