संखुवासभाको खाँदबारीमा पेस्तोल सहित एक जना पक्राउ

बिहिबार, ३१ जेठ २०७५

 

संखुवासभाको खाँदबारी नगरपालिका–३ मानेभञ्जाङ्ग बसपार्क नजिकैबाट पेस्तोलसहित एक जना पक्राउ परेका छन् । पक्राउ पर्नेमा सिलिचोङ्ग गाउँपालिका–५ वातेम्बा स्थायी घरभई हाल खाँदबारी नगरपालिका–३ मंगलादेवीथान बस्ने ३५ बर्षीय केदार राई रहेका छन् ।

 

उनी गएराति १ बजे को ३१ प ९५४४ नम्बरको १५३ सिसिको मोटरसाईकल चढी सदरमुकाम खाँदबारी तर्फ आउँदै गर्दा बसपार्कमा रहेको प्रहरी गस्ति टोलीले चेकजाँच गर्ने क्रममा एक थान पेस्तोल, दुई थान म्याग्जिन र १४ राउण्ड गोली सहित पक्राउ परेका हुन् ।

 

उक्त नम्बरको मोटरसाईकल जिल्ला प्रहरी कार्यालय ल्याइएको छ भने राईलाई पक्राउ गरी थप अनुसन्धान भईरहेको संखुवासभाका प्रहरी नायव उपरीक्षक श्याम सारुमगरले बताए । गत मंगलबार राती मात्रै अरुण–३ कार्यालय परिसरमा बम बिस्फोट भएपछि संखुवासभामा चेकजाँच कडा पारिएको छ । जिल्लाको संवेदनशिल ठाउँ र नाकाहरुमा नेपाल प्रहरी र सशस्त्रको गस्ती टोली समेत ब्यापक रुपमा परिचालन गरिएको छ ।


To read in your mobile download our android app from google play store. Click Here To Download App

प्रतिक्रिया दिनुहोस्

छुटाउनु भयो कि?

डायबेटिजको बिरामीले बेग्लै खाना खानु जरुरी छैन

सुगर, डाइभिटिज, मधुमेह र चिनीरोग सबैलाई एउटै नामले चिनिन्छ । यसलाई सामान्य भाषामा बुझ्दा शरीरमा चिनीको मात्रा धेरै देखिनु हो...

सर्वाधिक पढिएको