उपचारमा लापरवाही , अस्पतालमा तोडफोड

आइतबार, ०७ असोज २०७५

उपचारमा लापरवाही भएको भन्दै राजविराजस्थित गजेन्द्रनारायण सिंह सगरमाथा अञ्चल अस्पतालमा तोडफोड भएको छ । आक्रोशित भिडले स्वास्थ्यकर्मीहरु माथि समेत हातपातको प्रयास गरेका छन् ।

 

तोडफोड र स्वास्थ्यकर्मीमाथि नै हातपातको प्रयास पछि अहिले अस्पतालको आकस्मिक सेवा समेत अबरुद्ध भएको छ ।
घटनाका बारेमा राजनीतिक दलका प्रतिनिधि, मृतक बच्चाका परिवार, अस्पताल प्रशासन, स्थानीय प्रशासन, प्रहरी तथा स्थानीय अगुवाको सर्वपक्षीय बैठक बसेको छ । बैठकले घटनाको छानवीन गर्न एक समिति गठन गर्ने तयारी गरेको छ ।

 

रुपनी गाउँपालिका -६, तेरहौता निवासी अशोक साह आफ्ना दुई बर्षीय छोरा अरब साहलाई लिएर शुक्रबार साँझ करीब ८ बजे अस्पताल पुगेका थिए । आकस्मिक कक्षमा रहेका चिकित्सक तथा स्वास्थ्यकर्मीलाई उनले लडेर बेहोस भएको बताएका थिए । तर आकस्मिक कक्षमा रहेका चिकित्सकले सामान्य परीक्षण पश्चात बच्चाको मृत्यु भइसकको भन्दै पोष्टमार्टममा पठाएका थिए ।

शनिबार विहानै देखि बच्चाको अवस्था बुझ्न आएका परिवारका अन्य सदस्य र आफन्तहरुले पोष्टमार्टम कक्षमा राखिएको बच्चाले आँखा खोलेको र र्‍याल काडेको भन्दै थप उपचारका लागि नेपाली सेनाको सर्पदश उपचार केन्द्र पुरयाएका थिए । तर त्यहाँ पनि चिकित्सकले बच्चाको मृत्यु भइसकेको बताएका थिए ।

यता अञ्चल अस्पताल र गाँउमा भने जिउदो बच्चालाई मृत घोषित गरेको हल्ला फिजिइसकेको थियो । त्यहि हल्लाको भरमा जम्मा भएका आक्रोशित भिडले दिउसो १ देखि २ बजेको बीचमा आकस्मिक कक्षमा घुसेर तोडफोड मच्चाएका थिए ।

अस्पतालका मेसु डा चुमनलाल दाशले आकस्मिक कक्षमा भिडले झ्यालका सिसा तोडनुको साथै कम्प्युटर तथा इसिजि मेसिनहरु समेत फ्याकेर फोडिदिएको बताए । उनले पछि सुरक्षाकर्मी आएर स्थितिलाई नियन्त्रण लिएको जानकारी दिए ।

‘खासमा बच्चालाई पहिले धामी कहाँ पुरयाइयो । त्यसपछि रुपनी गाँउपालिकामै रहेको युनिक अस्पतालमा पुरयाइयो । त्यहाँबाट नसक्ने भनिएपछि मात्रै हामीकहाँ ल्याइएको हो । तर जतिवेला ल्याइयो त्यसबेला ढिला भइसकेको थियो । बच्चाको ज्यान गइसकेको थियो । हामीले कुनै लापरबाही गरेका छैनौँ । तर भिडले हामी माथि जवरजस्त दोष लगाउन खोज्दैछ,’ मेसु डा. दाशले भने ।


To read in your mobile download our android app from google play store. Click Here To Download App

प्रतिक्रिया दिनुहोस्

छुटाउनु भयो कि?

संघीय सांसद नै मलेसिया कामदार पठाउने भेन्डर हात पार्ने धन्दामा

सत्तारुढ दलका सांसद नै मलेसिया कामदार पठाउने भेन्डर हात पर्ने धन्दामा लागेको पाइएको छ। नौ महिनादेखि बन्द मलेसिया रोजगारी सुचारु...

के अब क्यान्सरको सहज उपचार हुनेछ ?

क्यान्सर, जो चिकित्सा विज्ञानको लागि सबैभन्दा कठिन समस्या हो । अहिलेसम्म जे-जति रोगहरु पैदा भए, ति सबैको उपचार विधि खोजिएको...

फ्राइ चिकेन र माछा धेरै खाने गर्नुभएकाे छ ? हाेसियार !

फ्राइ चिकेन र माछा धेरै खाने गर्नुभएकाे छ ? यदि हुनुहुन्छ भने विचार गर्नुहोस् फ्राइ गरिएको कुखुरा र माछाको मासुले...

फ्याटी लिभर कसरी क्यान्सरको कारण बन्नसक्छ ?

तपाईं मदिरा पिउनुहुन्छ । माछामासुको सौखिन हुनुहुन्छ । तारेको-भुटेको खानेकुरामा लोभ गर्नुहुन्छ । तर, निस्क्रिय बस्नुहुन्छ । त्यसो हो भने...

Loading...