कान्ति बाल अस्पतालमा चरम संकट

मङ्गलबार, २३ असोज २०७५

 

काठमाण्डौ, महाराजगञ्जमा अवस्थित कान्ति बाल अस्पताल चरम संकटमा परेको छ । पर्याप्त चिकित्सक नहुनेदेखि कर्मचारीले तलबसमेत खान नपाउने अवस्था छ । तर स्वास्थ्य तथा जनसंख्या मन्त्रालयले भने कुनै चासो दिएको छैन ।

कान्ति बाल अस्पताल स्थापनाकालदेखि नै समस्या नै समस्याको भुमरीमा फसेको छ । अस्पतालको समस्याको बारेमा स्वास्थ मन्त्रालयलाई जानकारी गराउँदा पनि समाधानको उपाय खोजिएको छैन । बालबालिकाको स्वास्थ्य उपचार प्रदान गर्ने पुरानो र पहिलो केन्द्रिय सरकारी अस्पताल कान्ति बाल अस्पताल हो ।

 

यहाँ देशको कुना कुनाबाट बालबालिकाहरुको उपचारका लागि मानिसहरुको घुइँचो लाग्ने गर्दछ । कान्ति अस्पतालले सेवासुविधाहरु नागरिकलाई प्रदान गर्न थालेको समयदेखि नै विभिन्न खाले समस्याको चपेटामा अस्पताल पर्दै आएको छ । कान्ति बाल अस्पतालमा ३९ जना चिकित्सकको दरबन्दी छ । तर ५ जना चिकित्सक मात्रै कार्यरत छन् ।

 

अस्पतालका सूचना अधिकारी रमेशनरसिंह केसीले भने, ‘पछिल्लो ११ वर्षदेखि चिकित्सक अभाव हुँदै आएको छ । तर स्वास्थ्य मन्त्रालयले भने चिकित्सकको व्यवस्था गर्न सकेको छैन । उपचार धेरै प्रकारका रोगको गर्नुपर्ने हुन्छ । तर त्यसका लागि चिकित्सक नै छैनन् ।’  अस्पतालको समस्या चिकित्सक अभाव मात्रै होइन, अरु धेरै समस्या छन् । गम्भीर प्रकृतिका विरामीलाई उपचार गराउनु पर्दा आइसियुको सुविधा समेत पर्याप्त छैन । दैनिक १० जना विरामी आइसियुमा उपचार गराउनुपर्ने स्थिती भए पनि हाल तीन वटा मात्रै आइसियु छ ।  समस्या यतिमै सीमित छैन । नर्सहरुको समेत  अभाव छ । अझै जटिल समस्या त के छ भने अबको २ महिनापछि अस्पतालमा कार्यरत कर्मचारीले तलबसमेत नपाउने स्थिति छ । तर स्वास्थ्य मन्त्रालय भने बेखबर जस्तै छ ।

 

अस्पतालका निर्देशक डा. गणेश कुमार राईले अस्पतालका समस्याका बारेमा तत्काल बोल्न नमिल्ने बताए । उनले भने ‘मन्त्रीज्यूले २ महिनाभित्र समस्या समाधान गर्ने वचन दिनुभएको छ । समस्या त छ, दुई महिनाभित्र समाधान गर्ने आश्वासन पाएको छु । अहिले केही नबोलौं ।’ अस्पताल अस्तव्यस्त हुँदा त्यसो फाइदा नजिकका निजी अस्पतालले उठाएका छन् । कान्तिको व्यवस्थापन र उपचार सेवा कमजोर बन्दै गर्दा देशभरबाट रिफर भएर आएका गरिब विपन्न बिरामी महंगो पैसामा निजी अस्पतालमा जान बाध्य छन् ।   आमा कान्ति राज्यलक्ष्मीदेवी शाहको नामबाट तत्कालीन राजा महेन्द्रले वि.सं २२ पुस ०१९ तदनुसार जनवरी ७ सन् १९६३ मा विधिवत् उद्घाटन गरेर तत्कालीन सोभियत संघ सरकारको सहयोगमा स्थापना भएको हो । कान्ति बाल अस्पताल काठमाडौंको महाराजगन्जमा करिब ९६ रोपनी क्षेत्रफलमा अवस्थित छ ।


To read in your mobile download our android app from google play store. Click Here To Download App

प्रतिक्रिया दिनुहोस्

छुटाउनु भयो कि?

मिर्गौलामा पत्थरी : किन र कसरी हुन्छ ?

मिर्गौलामा हुने पत्थरी आम समस्याको रुपमा देखापर्दैछ । दैनिक पत्थरीको समस्या बाकेर अस्पताल धाउनेको संख्या निकै ठूलो छ । विशेषगरी...

झुट खोतल्दै पोलिग्राफ मेसिन, यसले कसरी झुटो बोलेको पत्ता लगाउँछ ?

शंकास्पद एवं आरोपी व्यक्तिलाई पोलिग्राफ परीक्षण गराएर सत्यतथ्य ओकल्न लगाइन्छ । आखिर पोलिग्राफले कसरी काम गर्छ ? कसरी याे यन्त्रले...

मुटुरोगका प्रमुख लक्षणहरु यस प्रकार रहेका छन्

मुटुका धेरै रोगहरु हुन्छन् र प्रत्येक रोगका आफ्नै प्रकारका लक्षणहरु पनि हुन्छन् । मुटुका अनगिन्ती लक्षणहरुमध्ये सबैले थाहा पाइराख्नुपर्ने केहि...

शल्यक्रियाबाट सुत्केरीः पैसा आर्जनको मेलो हो कि आवश्यक्ता ?

नेपाल डेमोग्राफी एण्ड हेल्थ सर्भे २०१६ को सो प्रतिवेदन अनुसार प्रसुति सेवाका लागि व्यथा लागेर सरकारी अस्पतालमा आएका गर्भवतीहरु मध्ये...

कसरी गरिन्छ स्थायी बन्ध्याकरण ? सन्तानका रहर पुगेकाहरुले जान्नैपर्ने कुरा

अहिले पनि परिवार  नियोजनको साधन प्रयोगबारे विभिन्न भ्रम यथावत छन् । अझ स्थायी बन्ध्याकरणले स्वास्थ्यमा ठूलो क्षति पुर्‍याउँछ भन्नेे धारण...

घरमा ‘मनीप्लान्ट’ रोप्दा पैसा आर्जन हुन्छ ?

समाजमा भनाई छ, घरभित्र मनिप्लान्ट लगाइयो भने पैसा कमाई हुन्छ । अर्थात जति-जति मनिप्लान्ट हुर्कन्छ, फैलन्छ, उत्तिनै घरममा समृद्धि भित्रिन्छ...

चिकित्सक, नर्स तथा औषधि व्यावसायी सहित २८ जनाले पाउने भए राष्ट्रपतिबाट पदक

संविधान दिवसको अवसरमा स्वास्थ्य क्षेत्रका २८ जना व्यक्ति राष्ट्रपतिबाट प्रदान हुने विभिन्न मानपदवी अलंकार तथा पदकबाट विभूषित हुने भएका छन्...

युवाको रगतमा ‘बुढ्यौलीका रोग रोक्ने गुण’

नयाँ अनुसन्धानले युवाहरूको रगतमा उमेरका कारण हुने क्यान्सर, विस्मृति र मुटुसम्बन्धी विभिन्न रोगहरू रोक्न सक्ने गुण भएको सङ्केत गरेको छ।

बच्चाहरुमा देखापर्ने (बालवक्र रोग) केहो ? र यसका कारण तथा रोगथामका उपायहरु

बच्चाहरुमा देखापर्ने (बालवक्र रोग) केहो ? र यसका कारण तथा रोगथामका उपायहरु वालवक्र रोग केटाकेटीहरुमा भिटामिन डी को अभावले गर्दाहुने...

दृष्टि दोष के हो ? चस्माको छनोट कसरी गर्ने, चस्मा प्रयोग गर्ने ब्यक्तिले ध्यानदिनुपर्ने केहि टिप्सहरु :

दृष्टिका ती खराबीहरु, जस्को लागि चश्मा लगाउनु आम कुरा हुन । बच्चाहरुदेखी लिएर बूढाहरु सम्म चश्मा लगाउँछन् । निकट दृष्टि...

नोबेलमा बिकिरण सुरक्षा सम्बन्धि प्रदेश स्तरीय कार्यशाला

अस्पतालका बिकिरणयुक्त उपकरणमा काम गर्ने कर्मचारीहरुको सुरक्षा सम्बन्धि १ नम्बर प्रदेश स्तरीय कार्यशाला बिहिबार बिराटनगरमा सम्पन्न भएको छ । नोबेल...

उपचारमा लापरवाही , अस्पतालमा तोडफोड

उपचारमा लापरवाही भएको भन्दै राजविराजस्थित गजेन्द्रनारायण सिंह सगरमाथा अञ्चल अस्पतालमा तोडफोड भएको छ । आक्रोशित भिडले स्वास्थ्यकर्मीहरु माथि समेत हातपातको...

Loading...