मेष
सोचेबमोजिम काम नबन्न सक्छ । छर–छिमेकमा भने केही असमझदारी बढ्ने योग छ । प्रतियोगिता र प्रतिस्पर्धामा पराजय ब्यहोर्नु पर्छ ।
बृष
व्यवसाय र पेसाबाट राम्रै प्रतिफल प्राप्त हुनेछ, चिताएभन्दा बढी कमाउने योग छ । काम गर्न जाँगर चल्नेछ । प्रेमको बन्धनमा बाँधिने बेला छ ।
मिथुन
मानप्रतिष्ठा र सामाजिक मर्यादामा अभिवृद्धि हुने समय छ । व्यवसायिक क्षेत्रबाट राम्रो लाभ प्राप्त हुनेछ । साथीहरूसित मनोरञ्जन गर्ने अवसर जुर्नेछ ।
कर्कट
नियमित कामधन्धा र व्यवसायबाट राम्रो फाइदा हुनेछ । गुमेको वा सापटीमा गएको धन फिर्ता आउनेछ । बौद्धिक र प्राज्ञिक क्षेत्रमा राम्रो छ।विगतमा भएका राम्रा क्रियाकलापको स्मरण हुनेछ ।
सिंह
राज्यपक्षबाट सम्मानित हुने अवसर पाइने छ । सुखी जीवन व्यतीत गर्न मन लालायित हुनेछ । शृङ्गारिक सामाग्री खरिद गर्न धन खर्च हुनेछ ।
कन्या
आफन्त वा साथीभाइले निस्वार्थ भावले सहयोग गर्नेछन् । नयाँ ज्ञान प्राप्त हुनेछ । लामो दूरीको लाभदायक यात्राको सम्भावना छ । सामाजिक र पारिवारिक सम्बन्ध सुदृढ हुनेछ ।
तुला
बाटो काट्दा, हतियार प्रयोग गर्दा वा सवारी चलाउँदा सतर्कताको खाँचो हुनेछ । ढिलो गरी कार्यसम्पादन हुने समय छ । प्रेम सम्बन्धमा तिक्तता आउने योग छ ।
बृश्चिक
विशिष्ट व्यक्तिको सहयोग र सल्लाहले स्वास्थ्यमा सकारात्मक सङ्केत देखिने छ । साथीभाइ र नातेदारबाट उपयोगी सल्लाह र सहयोग प्राप्त हुनेछ । शारीरिक प्रतिस्पर्धाका कामतिर मन जानेछ ।
धनु
शुभसमाचारको आगमनले मन प्रसन्न रहने छ । शत्रुहरू पराजित हुनेछन् । यश, सम्मान र प्रतिष्ठा प्राप्त हुनेछ । आवश्यक सहयोग मिल्नेछ ।
मकर
आफन्त र मित्रहरूसँग भेटघाट र रमाइलो गरिने छ । विभिन्न जिम्मेवारी निर्वाह गर्नुका साथै दौडधूप गर्नु पर्ने समय छ । हातमा अचानक सोच्दै नसोचेको धन प्राप्त हुनसक्छ ।
कुम्भ
प्रेमसम्बन्धमा सुधार आउने छ, प्रेमीप्रेमिकाका बीचमा सुमधुर र मिठासपूर्ण सम्बन्ध कायम हुनेछ, मनको झुकाव आनन्द र रमणीयतातर्फ उन्मुख हुने सङ्केत छ ।
मीन
घरपरिवारमा खुसीको वातावरण सिर्जना हुनेछ । मायाप्रेम र भावनात्मक क्रियाकलापमा समय व्यतीत हुनेछ । आत्मविश्वास र शीघ्र निर्णय गर्ने क्षमता अभिवृद्धि हुनेछ ।
ज्योतिष तथा वास्तु शास्त्री सुरेश चन्द्र रिजाल
सचिब :- दक्षिण एसियाली ज्योतिष महासंघ राष्ट्रिय समिति नेपाल
संपर्क नं . ९८५१०६११२४ https://www.facebook.com/suresh.rijal3
प्रतिक्रिया दिनुहोस्