नर्सहरुले भने, ‘सीपीडी तालिम अनिवार्य हुनुपर्‍यो’

बिहिबार, १४ बैशाख २०७४

 

काठमाडौँ,   नर्सहरुले पेशागत दक्षतालाई निरन्तर अपडेट हुनुपर्ने बताएका छन् । उनीहरुले आफूहरुलाई निरन्तर पेशागत विकास अर्थात कन्टिनिउ प्रोफेसनल्स डेभलपमेन्ट(सीपीडी) तालिम अनिवार्य व्यवस्था सम्वन्धित निकायको ध्यानाकर्षण गराएका छन् ।

 

नेपाल नर्सिङ काउन्सिल र नेपाल नर्सिङ एसोशिएसनको संयुक्त आयोजनामा गरिएको एक अनुसन्धानले स्वास्थ्य क्षेत्रको फेरिदो पद्धती तथा विकास क्रममा आफू अपडेट हुनका लागि सीपीडी अनिवार्य भएको बताएका हुन् । उक्त अनुसन्धालाई बोनमाउथ युनिभर्सिटी तथा लिभरपुल जोनमोरेस युनिभर्सिटीले समेत सघाएका थिए ।

 

झण्डै डेढ बर्ष लगाएर गरिएको फोकस ग्रुप रिसर्चको प्रतिवेदन विहीबार सार्वजनिक गर्ने क्रममा अनुसन्धानकर्ता डा विभा सिम्खडाले नर्सहरुले सीपीडी तालिम अनिवार्य लागू गर्न मत जाहेर गरेको बताइन् । उनले रोजगारीका लागि विदेश जान होस या स्वदेशमै रहेर सेवाका गर्नका लागि सीपीडी अनिवार्य रहेको उनीहरु(नर्सहरु)को बुझाई रहेको उल्लेख गरिन् । तर कतिपयले सीपीडी तालिम कसले सञ्चालन गर्ने, यसको मान्यता के हुने ? तालिम कति क्रेडिट आवरको हुने ? तालिमको समय कसरी व्यवस्थापन गर्ने भन्नेकुरामा जिज्ञासा राखेको डा सिंम्खडाले जानकारी दिइन् ।

 

अर्का अनुसन्धान कर्ता डा सुजन मरहठ्ठाले अनुसन्धानका लागि ‘फोकसग्रुप डिसकसन’ गरेको भन्दै यसले लाइसेन्स नविकरण गर्ने बेलामा सीपीडी अनिवार्य हुनुपर्नेमा नर्सहरुको एकमत रहेको बताए । नर्सहरुलाई विभिन्न आठ समूहमा विभाजन गरि भएको ‘फोकस ग्रुप डिसकसन’को निचोड सीपीडी अनिवार्य चाहिने नै भएको उल्लेख गरे ।

 

कार्यक्रममा नेपाल नर्सिङ परिषदका अध्यक्ष प्रा चन्द्रकला शर्माले नर्सको पेशागत दक्षता अभिवृद्धि आवश्यक रहेको भन्दै अध्ययनले समेत सोही नतिजा देखाएको बताइन् । ‘अव सरकारसंग मिलेर कुन मोडलमा यसलाई अघि बढाउने भन्नेमा हामी केन्द्रीत हुनेछौँ,’ उनले भनिन् ।

 

नेपाल नर्सिङ संघकी अध्यक्ष प्रा तारा पोखरेलले पेशागत दक्षताका लागि सीपीडी अनिवार्य रहेको भन्दै अहिलेसम्मको लाईसेन्स नविकरणका बेला गरिने प्रावधानलाई परिवर्तन गर्नुपर्ने औल्याइन ।

 

‘६ बर्ष अघि लिएको लाइसेन्सको अवधी सकिदासम्म उसले के कति अपडेट गरयो ? वा गरेको छैन् त्यसको जानकारी हुनुपर्छ,’ पोखरेलले भनिन्, ‘यसले पेशागत दक्षता बढ्छ र सेवामा सकारात्मक प्रभाव पार्छ ।’

 

कार्यक्रममा विभिन्न नर्सिङ कलेज, अस्पताल, तथा संघसंस्थाका नर्सिङ प्रतिनिधीहरुले सुझाव राखेका थिए ।

 

    


To read in your mobile download our android app from google play store. Click Here To Download App

प्रतिक्रिया दिनुहोस्

छुटाउनु भयो कि?

संघीय सांसद नै मलेसिया कामदार पठाउने भेन्डर हात पार्ने धन्दामा

सत्तारुढ दलका सांसद नै मलेसिया कामदार पठाउने भेन्डर हात पर्ने धन्दामा लागेको पाइएको छ। नौ महिनादेखि बन्द मलेसिया रोजगारी सुचारु...

के अब क्यान्सरको सहज उपचार हुनेछ ?

क्यान्सर, जो चिकित्सा विज्ञानको लागि सबैभन्दा कठिन समस्या हो । अहिलेसम्म जे-जति रोगहरु पैदा भए, ति सबैको उपचार विधि खोजिएको...

फ्राइ चिकेन र माछा धेरै खाने गर्नुभएकाे छ ? हाेसियार !

फ्राइ चिकेन र माछा धेरै खाने गर्नुभएकाे छ ? यदि हुनुहुन्छ भने विचार गर्नुहोस् फ्राइ गरिएको कुखुरा र माछाको मासुले...

फ्याटी लिभर कसरी क्यान्सरको कारण बन्नसक्छ ?

तपाईं मदिरा पिउनुहुन्छ । माछामासुको सौखिन हुनुहुन्छ । तारेको-भुटेको खानेकुरामा लोभ गर्नुहुन्छ । तर, निस्क्रिय बस्नुहुन्छ । त्यसो हो भने...

Loading...