६५ वर्षदेखि सेवा गरिरहेकी ८१ वर्षीया बेलायती नर्स भन्छिन्– अझै रिटायर हुने सोच छैन

आइतबार, १८ चैत २०७४

 

आइलिन कूम्बर १९५१ को जुलाईमा नर्स क्याडेटका रुपमा प्रवेश गर्दा १५ वर्षकी मात्र थिइन् । १९७६ जनवरीमा मात्र उनी रजिष्टर्ड नर्स भइन् । त्यसयताका कयौं दशकमा उनले आफ्नो करिअरमा थुप्रै उतारचढाव देखिन् । यो पेशामा उनले ६५ वर्ष बिताइसकिन् । अहिले ८१ वर्ष लागेकी उनको अझै पनि जागिरबाट रिटायर हुने सोच छैन । उनी यतिखेर वोर्दिङको शेफर्ड हाउसमा नर्सका  रुपमा कार्यरत छिन् । 


नेशनल हेल्थ सर्भिस (एनएचएस) १९४८ मा स्थापना हुँदा उनी मात्र ११ वर्षकी थिइन् । उनी २०१७ का लागि रोयल कलेज अफ नर्सिङबाट ‘उत्कृष्ट नर्स’ को पुरस्कारबाट सम्मानित भइन् । ८१ वर्षको उमेरसम्म पेशा नछाड्नुको कारणबारे उनी भन्छिन्, ‘एनएचएस बिस्तारै निजीकरण हुँदै गइरहेकामा म निकै नरमाइलो महसुस गरिरहेको छु ।’ हरेक संस्थाले आजकाल नाफा खोज्ने गरेको उल्लेख गर्दै उनले स्वास्थ्य सेवा दिने संस्थाले नाफा खोज्नु नहुने बताइन् । 


देशले हरेक नागरिकलाई समान व्यवहार गर्नुपर्ने र सबैले समान रुपले स्वास्थ्य सेवा पाउनुपर्ने उनको भनाई छ । उनले अमेरिकामा बस्ने आफ्नो स्वर्गीय छोरीको साथीकी सानी छोरी पनि उपचार पाउन नसकेर मर्नुपरेको उदाहरण दिइन् । 


आर्थिक रुपले समस्यामा परेका मानिसको सहयोगका लागि आफू नर्सिङ पेशामा लागेको उनले सम्झिइन् । भन्छिन्, ‘डाक्टर र नर्सको समाजमा उत्तिकै महत्व छ, र उनीहरु सकेसम्म सहयोगी हुनुपर्छ ।’ नर्स पेशामालागेयता उनले स्वास्थ्य क्षेत्रमा थुप्रै विकास देखिसकिन् । जस्तै, पहिलो पेसमेकर, दादुराको पहिलो भ्याक्सिन, पहिलो अंग प्रत्यारोपण, रुबेला भ्याक्सिन, ठेउलाको उन्मुलन, आइभीएफको विकास आदि । 
दोस्रो विश्वयुद्धको सुरुवात हुनु केही अघि सन् १९३६ मा जन्मिएकी थिइन् उनी । युद्धमा परेका मानिसहरु देख्दादेख्दै र घरको वातावरणले सानै उमेरमा नर्स हुने चाहना पलायो उनलाई । यसमा उनको आमाको सहयोगी भावनाले पनि काम ग¥यो । ‘हामी सानो गाउँमा बस्थ्यौं, मेरी आमा तनावमा परेका मानिसलाई सहयोग गर्थिन्, सुत्केरी गराउन सहयोग गर्थिन्, उपचार  आवश्यक परेकाहरुलाई पनि सहयोग गर्थिन् र जब मानिसको मृत्यु हुन्थ्यो, उनीहरुको अन्त्येष्टिका लागि सहयोग गर्थिन्,’ उनी भन्छिन्, ‘साँच्चै मेरी आमाको ठूलो मुटु थियो ।’


बाबुले पनि मानिसहरुलाई सहयोग गर्नुपर्छ भनेर सिकाउने गरेको उनी सम्झिन्छिन् । ‘बाबुआमासंगको विशेष सम्बन्धले मलाई नर्स हुन सिकायो,’ उनी भन्छिन् । 
स्कुल छाडेर नर्सको क्याडेट कार्यक्रममा सहभागी हुन जाँदा उनी १५ वर्षकी मात्र थिइन् । उनले १८ वर्षको उमेरमा बिहे गरिन् । तर बिहेकै समयमा पतिको आमाको मृत्यु भएकाले उनका भाईबहिनीलाई स्याहार्न केहीसमय उनले नर्सिङ पेशालाई रोक्नुप¥यो । बिहेको १३ महिनामै उनले छोरीलाई जन्म दिइन् । तर, उनको पेशाप्रतिको भोक मरेको थिएन । त्यसैले उनले २० वर्षको उमेरमा सेन्ट जेम्स युनिभर्सिटी हस्पिटलमा नर्सिङ असिस्टेन्टका रुपमा काम सुरु गरिन् । त्यहाँ उनले १९७६ सम्म काम गरिन् । 
पेशाका क्रममा उनले थुप्रै तालिम लिइन् र तिनले उनको पेशालाई अझ व्यवसायिक बनायो । तीमध्ये मेन्टल हेल्थ नर्सिङ पनि एक हो । ‘मैले जहिले पनि मेन्टल हेल्थ नर्सिङलाई विशेष रुपमा महसुस गरें, मेरो विशेष कला भनेकै मानिसहरुका कुरा सुन्नु र उनीहरुलाई अलग तरिकाले सहयोग गर्नु हो,’ उनी भन्छिन् । 


रोयल कलेज अफ नर्सिङको एक आँकडाअनुसार अझै पनि बेलायतमा ४० हजार नर्सको अभाव छ । अलाइन स्पष्ट छिन्, किन युवाहरुको आकर्षणमा नर्सिङ पेशा परेन भनेर । ‘नर्स भर्ना गर्न कति समस्या छ भनेर मैले धेरै देखेकी छु, मलाई यो पेशा निकै मन पर्छ, र यो कति कठिन र तनावयुक्त छ भन्नेपनि मलाई थाहा छ ।’ उनी भन्छिन् । 


उनलाई अझै पनि यो पेशाबाट रिटायर हुन मन छैन । ‘म ६२ वर्ष पुगेपछि औपचारिक रुपमा रिटायर हुनुपर्ने थियो, तर त्यतिबेलै मैले काम नरोक्ने दृढ निश्चय गरेकी थिएँ,’ उनले भनिन् । ज्वरो आएर या अरु बिरामी भएर घरमा बस्नुपर्दा यो पेशा आफ्ना लागि कति महत्वपूर्ण रहेछ भन्ने महसुस हुने गरेको उनी बताउँछिन्। 


To read in your mobile download our android app from google play store. Click Here To Download App

प्रतिक्रिया दिनुहोस्

छुटाउनु भयो कि?

मिर्गौलामा पत्थरी : किन र कसरी हुन्छ ?

मिर्गौलामा हुने पत्थरी आम समस्याको रुपमा देखापर्दैछ । दैनिक पत्थरीको समस्या बाकेर अस्पताल धाउनेको संख्या निकै ठूलो छ । विशेषगरी...

झुट खोतल्दै पोलिग्राफ मेसिन, यसले कसरी झुटो बोलेको पत्ता लगाउँछ ?

शंकास्पद एवं आरोपी व्यक्तिलाई पोलिग्राफ परीक्षण गराएर सत्यतथ्य ओकल्न लगाइन्छ । आखिर पोलिग्राफले कसरी काम गर्छ ? कसरी याे यन्त्रले...

मुटुरोगका प्रमुख लक्षणहरु यस प्रकार रहेका छन्

मुटुका धेरै रोगहरु हुन्छन् र प्रत्येक रोगका आफ्नै प्रकारका लक्षणहरु पनि हुन्छन् । मुटुका अनगिन्ती लक्षणहरुमध्ये सबैले थाहा पाइराख्नुपर्ने केहि...

शल्यक्रियाबाट सुत्केरीः पैसा आर्जनको मेलो हो कि आवश्यक्ता ?

नेपाल डेमोग्राफी एण्ड हेल्थ सर्भे २०१६ को सो प्रतिवेदन अनुसार प्रसुति सेवाका लागि व्यथा लागेर सरकारी अस्पतालमा आएका गर्भवतीहरु मध्ये...

कसरी गरिन्छ स्थायी बन्ध्याकरण ? सन्तानका रहर पुगेकाहरुले जान्नैपर्ने कुरा

अहिले पनि परिवार  नियोजनको साधन प्रयोगबारे विभिन्न भ्रम यथावत छन् । अझ स्थायी बन्ध्याकरणले स्वास्थ्यमा ठूलो क्षति पुर्‍याउँछ भन्नेे धारण...

घरमा ‘मनीप्लान्ट’ रोप्दा पैसा आर्जन हुन्छ ?

समाजमा भनाई छ, घरभित्र मनिप्लान्ट लगाइयो भने पैसा कमाई हुन्छ । अर्थात जति-जति मनिप्लान्ट हुर्कन्छ, फैलन्छ, उत्तिनै घरममा समृद्धि भित्रिन्छ...

चिकित्सक, नर्स तथा औषधि व्यावसायी सहित २८ जनाले पाउने भए राष्ट्रपतिबाट पदक

संविधान दिवसको अवसरमा स्वास्थ्य क्षेत्रका २८ जना व्यक्ति राष्ट्रपतिबाट प्रदान हुने विभिन्न मानपदवी अलंकार तथा पदकबाट विभूषित हुने भएका छन्...

युवाको रगतमा ‘बुढ्यौलीका रोग रोक्ने गुण’

नयाँ अनुसन्धानले युवाहरूको रगतमा उमेरका कारण हुने क्यान्सर, विस्मृति र मुटुसम्बन्धी विभिन्न रोगहरू रोक्न सक्ने गुण भएको सङ्केत गरेको छ।

बच्चाहरुमा देखापर्ने (बालवक्र रोग) केहो ? र यसका कारण तथा रोगथामका उपायहरु

बच्चाहरुमा देखापर्ने (बालवक्र रोग) केहो ? र यसका कारण तथा रोगथामका उपायहरु वालवक्र रोग केटाकेटीहरुमा भिटामिन डी को अभावले गर्दाहुने...

दृष्टि दोष के हो ? चस्माको छनोट कसरी गर्ने, चस्मा प्रयोग गर्ने ब्यक्तिले ध्यानदिनुपर्ने केहि टिप्सहरु :

दृष्टिका ती खराबीहरु, जस्को लागि चश्मा लगाउनु आम कुरा हुन । बच्चाहरुदेखी लिएर बूढाहरु सम्म चश्मा लगाउँछन् । निकट दृष्टि...

नोबेलमा बिकिरण सुरक्षा सम्बन्धि प्रदेश स्तरीय कार्यशाला

अस्पतालका बिकिरणयुक्त उपकरणमा काम गर्ने कर्मचारीहरुको सुरक्षा सम्बन्धि १ नम्बर प्रदेश स्तरीय कार्यशाला बिहिबार बिराटनगरमा सम्पन्न भएको छ । नोबेल...

उपचारमा लापरवाही , अस्पतालमा तोडफोड

उपचारमा लापरवाही भएको भन्दै राजविराजस्थित गजेन्द्रनारायण सिंह सगरमाथा अञ्चल अस्पतालमा तोडफोड भएको छ । आक्रोशित भिडले स्वास्थ्यकर्मीहरु माथि समेत हातपातको...

Loading...