भगवत गीताको अनमोल वचनः जसले तपाईको सोंच एवं मन बदल्छ

मङ्गलबार, ०८ जेठ २०७५

 

श्रीमद् भगवत गीता एक यस्तो ग्रन्थ हो, जसले जीवनको पुरा सार दिएको छ । मनुष्यको जन्मदेखि मृत्युसम्मको चक्रबारे गीतमा विस्तारमा बताइएको छ । मनुष्यलाई सांसरिक माया, मोहबाट निकालेर मोक्ष प्राप्ति गर्ने सूत्र छ गीतामा ।

 

महाभारतको युद्धमा श्रीकृष्णले अर्जुनसँग गरेको बार्तालापबाट गीताको रचना भएको हो । श्रीकृष्णले अर्जुनलाई पुरा संसारको यस्तो ज्ञान दियो, जसलाई अपनाएर कुनैपनि व्यक्ति परम सुख र शान्तिका साथ आफ्नो जीवन व्यतीत गर्न सक्छन् ।

वर्तमान अवस्थामा गीतामा उल्लेख गरिएका कुरा निकै मननिय र अर्थपूर्ण हुनसक्छ । अहिले हामी यस्तो भौतिक जीवनमा बाँचिरहेका छौं, जहाँ खुसी, प्रेम, माया, आस्था, विश्वास हराउँदै एवं नष्ट हुँदै गइरहेको छ । हामी भौतिक सुख-सुविधामा लिप्त हुँदैछौं । र, त्यही कारण दुख, चिन्ता, तनाव, पीर, ईष्य जस्ता विषाक्त तत्वले हाम्रो शरीरमा डेरा जमाउँदैछ । हामी रोगी हुँदैछौं । जिर्ण हुँदैछौं । बाँचेर पनि बाँच्नुको सार्थकता पाइरहेका छैनौं । हामी खुसी, सुख र आनन्दका लागि भौतारिरहेका छौं ।

यस्तो छटपटीपूर्ण जीवनमा गीताको अध्ययन वा गीतामा उल्लेख गरिएका कुराहरुले हामीलाई शान्त तुल्याउँछ । किनभने यो एउटा यस्तो ढोका हो, जहाँबाट हामी आफैभित्र प्रवेश गर्न सक्छौं । आफैलाई चिहाउन सक्छौं । अतः अनलाइनखबरले गीताको अनमोल बचन पेश गरेको छ, जो हाम्रो निम्ति जीवनोपयोगी हुनसक्छ ।

– मनुष्य आफ्नो विश्वासले निर्मित हुन्छ । जस्तो विश्वास गर्छ, उस्तै बन्छ ।

– जुन चिज हाम्रो हातमा छैन, त्यसको चिन्ता गर्नुको कुनै फाइदा छैन ।

– जो व्यक्ति हरक्षण मनमा शंका राख्छ, उसको लागि न यो संसारमा काहीँपनि चैन मिल्दैन ।

– रिस, लोभ र वासना -यौन आशक्ति) नर्क जाने द्वार हो ।

– जे भयो, राम्रै भयो । जे हुँदैछ, राम्रो हुँदैछ । जे हुनेछ, राम्रो हुनेछ । तिम्रो के हरायो, जसको कारण तिमी रुन्छौं । तिमीले के लिएको थियौं, जो गुमायौं ? तिमीले के पैदा गरेको थियौं, जो नष्ट भयो । तिमीले जे लियौं, यहींबाट लियौं । जे दियौं, यहीं दियौं । जुन चिज आज तिम्रो छ, भोलि अरु कसैको हुनेछ ।

– कर्म नै धर्म हो । त्यसैले हामी कर्म गर्नुपर्छ, फल आफै मिल्छ । यस संसारमा जतिपनि मानिस सफल भएका छन्, उनीहरु कर्मकै बलमा भएका छन् ।

– तिमी त्यही कुराका लागि शोक गर्छौं, जुन शोक गर्नका लागि योग्य छैन र फेरी ज्ञानको कुरा गर्छौं ।

– जसले मनलाई नियन्त्रण गर्न सक्दैन, त्यो उनी स्वयम्को लागि सत्रू समान काम गर्छ ।

– मनुष्यको मूख्य उदेश्य आनन्द प्राप्त गर्नु हुन्छ र जुन मनुष्य आफ्नो कार्यमा आनन्द खोज्छन्, तब उसले पूर्णता प्राप्त गर्छ ।

– क्रोधले बुद्धि नष्ट हुन्छ । जब बुद्धि नष्ट हुन्छ, तब निर्णय गलत हुन्छ । जब निर्णय गलत हुन्छ, तब मनुष्यको पतन हुन्छ ।

– मन अशान्त, यसको नियन्त्रण कठिन छ । तर, अभ्यासद्वारा यसलाई वशमा राख्न सकिन्छ ।

– नराम्रो कामले तनाव पैदा गर्छ, त्यसैले सधै राम्रो सोचौं राम्रो गरौं ।

– आफ्नो दिलमा दयाको भावना हुँदा मनुष्यको दर्जा बढ्छ ।

– सधै नराम्रो खोज्ने व्यक्ति त्यही झिंगा जस्तो हुन्छ, जसलाई शुद्ध वा स्वच्छ स्थानमा छाडेपनि फोहोर ठाउँमा पुग्छ ।

– सधै आशक्तिले कामनाको जन्म लिन्छ ।

– मनुष्यले जे चाह्यो, त्यही बन्न सक्छन् । तर, त्यस इच्छालाई पूर्ण विश्वासका साथ स्मरण गर्नुपर्छ ।

– जुन कुरा वास्तविक छैन, त्यसबाट कहिल्यै नडराऔं ।

– जसले जन्म लिन्छ, उसको मृत्यु निश्चित छ । त्यसैले जे हुन्छ, त्यसमा शोक नगर ।

– एक ज्ञानवान व्यक्ति कहिले पनि कामुक सुखमा आनन्द लिँदैनन् ।

– कर्म योग एक बहुत ठूलो रहस्य हो ।


To read in your mobile download our android app from google play store. Click Here To Download App

प्रतिक्रिया दिनुहोस्

छुटाउनु भयो कि?

संघीय सांसद नै मलेसिया कामदार पठाउने भेन्डर हात पार्ने धन्दामा

सत्तारुढ दलका सांसद नै मलेसिया कामदार पठाउने भेन्डर हात पर्ने धन्दामा लागेको पाइएको छ। नौ महिनादेखि बन्द मलेसिया रोजगारी सुचारु...

के अब क्यान्सरको सहज उपचार हुनेछ ?

क्यान्सर, जो चिकित्सा विज्ञानको लागि सबैभन्दा कठिन समस्या हो । अहिलेसम्म जे-जति रोगहरु पैदा भए, ति सबैको उपचार विधि खोजिएको...

फ्राइ चिकेन र माछा धेरै खाने गर्नुभएकाे छ ? हाेसियार !

फ्राइ चिकेन र माछा धेरै खाने गर्नुभएकाे छ ? यदि हुनुहुन्छ भने विचार गर्नुहोस् फ्राइ गरिएको कुखुरा र माछाको मासुले...

फ्याटी लिभर कसरी क्यान्सरको कारण बन्नसक्छ ?

तपाईं मदिरा पिउनुहुन्छ । माछामासुको सौखिन हुनुहुन्छ । तारेको-भुटेको खानेकुरामा लोभ गर्नुहुन्छ । तर, निस्क्रिय बस्नुहुन्छ । त्यसो हो भने...

Loading...