शैक्षिक योग्यताको प्रमाण पत्र धितो राखेर ७ लाखसम्म ऋण, नतिरे के हुन्छ कारवाही ?

 

काठमाडौं, सरकारले शैक्षिक योग्यताको प्रमाणपत्र धितो राखेर ७ लाखसम्म ऋण दिने घोषणा अहिले सबैको आशको विषया बनेको छ । आगामी आर्थिक बर्षदेखि शैक्षिक प्रमणपत्र धितो राखेर ५ प्रतिशतसम्म ब्याज अनुदानमा ७ लाखसम्म ऋण दिने भएको हो ।

प्रधानमन्त्री रोजगार कार्यक्रमका लागि ३ अर्ब १० करोड विनियोजन गरिएको छ । विना धितो परियोजनामा आधारित कर्जा १० लाख रुपैयाँसम्म प्रवाह गरिने भएको छ । तर त्यस्तो ऋण नतिरेमा भने पासपोर्ट जफतदेखि मतदान अधिकार समेत खोसिनेछ ।

यदि कुनै नागरिकले शैक्षिक योग्यताको प्रमाण पत्र धितो राखेर ऋण लिन्छ र तिर्दैन भने उसलाई राज्यबाट पाउने सबै सुबिधाबाट बञ्जित गरिनेछ । केहि नसकिए पनि पासपोर्ट रोकिन्छ, विदेश जान रोकिन्छ, भोटिंङ राइट्स खोसिन्छ र प्रमाणपत्र जफत हुनेछ ।

सरकारले नविनतम ज्ञान, शिप र क्षमता भएका उद्यमीलाई व्यवसाय सञ्चालन गर्न सुरुवाति पूँजी उपलब्ध गराउन च्यालेञ्ज फण्डको व्यवस्था समेत गरेको छ । त्यस्तै, विदेशबाट फर्केका युवाहरुको सिप प्रमाणीकरण गरि त्यस्ता युवाहरुलाई सम्बन्धित व्यवसाय सञ्चालन गर्न परियोजनामा आधारित १० लाखसम्मको ऋण उपलब्ध गराउने बजेट वक्तव्यमा उल्लेख छ । सो ऋणको कर्जा सुरक्षण तथा व्यवसायका बीमा समेत गराइनेछ ।

 

To read in your mobile download our android app from google play store. Click Here To Download App