स्तनपान गराउने महिलाले बिर्सेर पनि नगर्नुहोस् यी गल्ती

जब तपाईं आमा बन्नुहुन्छ तब सधैं आफ्ना सन्तानको स्वास्थ्यबारे चिन्तित रहनुहुन्छ । स्तनपान गराउने धेरैजसो महिलाको समस्या पर्याप्त दुध नआउने हुन्छ । स्तनपान गराउने महिलाले केही यस्ता खानेकुराबारे ध्यान दिनुपर्छ जसले दुघ उत्पादनमा कमी ल्याउने गर्दछ । साथै, दुघ उत्पादनमा सहयोग पुर्याउने खानेकुरा नखाँदा पनि यसमा कमी आउने गर्दछ ।

पर्याप्त पानी नपिउँदाः

स्तनपान गराउने महिलाले पर्याप्त पानी नपिउँदा दुधको मात्रा घट्ने गर्दछ त्यसकारण तपार्ईं दिनभरी प्रशस्त मात्रामा पानी पिउनुहोस् ।

सन्तुलित आहार नखाँदाः

स्तनपान गराउने समय तपाईंको शरिर साधारण दिनभन्दा धेरै क्यालोरी बर्न हुने गर्दछ । त्यसकारण तपाईंले राम्रो र सन्तुलित भोजन खानैपर्छ ।

याे पनि पढ्नुहाेसःनियमित स्तनपानले घटाउछ मोटोपना !

गर्भ निरोधक औषधीको सेवनः

यदि तपाईं गर्भनिरोधक औषधीको सेवन गर्नुहुन्छ भने यस्ता औषधीले तपाईंको दुध उत्पादनमा बाधा पुर्याउँछ । स्तनपानको समयमा गर्भ निरोधक औषधीको प्रयोग गर्नुपूर्व डाक्टरको सल्लाह लिनुहोस् ।

रक्सी सेवन गर्दाः

स्तनपानको समयमा यदि तपाईं रक्सी सेवन गर्नुहुन्छ भने यो तपाईं र तपाईंको सन्तानका लागि खतरनाक हुन्छ । यसबाट बच्नुहोस् ।

याे पनि पढ्नुहाेसः यसकारण बग्छ महिलामा सेतो पानी

अत्यधिक कफी पिउँदाः

कफीमा अत्यधिक क्याफिन हुने गर्दछ जसले तपाईंको स्वास्थ्यमा नकारात्मक असर पुर्याउने गर्दछ । यदि तपाईंलाई कफी निक्कै मनपर्छ भने दिनमा एक कप कफीमा सिमित हुनुहोस् ।

स्तनपानका बेला माछा नखानुहोस्ः

स्तनपान गराइरहेका महिलाले माछा खानबाट बच्नुहोस् किनभने माछा गर्मी हुन्छ जुन तपाईंको सन्तानका लागि सही हुँदैन ।

याे पनि पढ्नुहाेसः गर्भावस्थासँग जोडिएका आठ वास्तविकता जसबारे कसैले कुरा गर्दैनन्

लसुन नखानुहोस्ः

स्तनपान गराउने महिलाले लसुनको सेवन नगर्दा नै राम्रो । लसुन आफ्नो बास्नाका लागि चिनिन्छ । यो खाँदा तपाईंको दुधबाट गन्ध आउन सक्छ जुन तपाईंको शिशुका लागि राम्रो मानिँदैन ।

अन्य केही सप्लिमेन्टबाट बच्नुहोस्ः

स्तानपानका बेला तपाईं कुनै पनि जडिबुटी वा कुनै औषधी खानुपूर्व डाक्टरको सल्लाह अवश्य लिनुहोस् । यसले तपाईंको दूधको उत्पादनलाई कम गर्न सक्छ ।

याे पनि पढ्नुहाेसः महिनावारीमा देखिने स्वास्थ्य समस्या र ध्यान दिनुपर्ने कुरा