राती राम्रोसँग निन्द्रा लाग्दैन ? आजै अपनाउनुस् यी तरिका

आइतबार, ०१ असोज २०७४

बिहान फ्रेश महसुस गर्नका लागि राती मिठो निन्द्रा लाग्न अत्यावश्यक छ । मानिसहरु सुत्नका लागि बेडमा पल्टिएपनि निकै बेरसम्म सुत्ने कसरत गरिरहेका हुन्छन् । यदि तपाईं पनि यहि सूचीमा पर्नुहुन्छ भने यी सजिलो तरिका अपनाएर मज्जाले निदाउन सक्नुहुन्छ ।

नियमित योग गर्नुहोस्ः

योग गर्दा शरिरले आराम पाउँछ । साथै यसले तनाव पनि कम गर्दछ जसले तपाईंलाई मिठो निन्द्राको लागि सहयोग पुर्याउँछ ।

राती चिया वा कफी नपिउनुहोस्ः

राती चिया वा कफी नपिउनुहोस् । यी दुबै पेय पदार्थमा यस्ता तत्व पाइन्छन् जसले उत्तेजना बढाउँछ र निन्द्रा गायब गरिदिन्छ ।

सुत्ने र उठ्ने समय निश्चित गर्नुहोस्ः

सुत्ने र उठ्ने समय निश्चित गर्दा पनि मिठो निन्द्रा लाग्ने गर्दछ । यसका लागि अलार्म लगाएर सुत्नुहोस् ।

अबेरसम्म नउठ्नुहोस्ः

धेरै मानिसहरु बेडमा सुतेर फोनमा व्यस्त हुने गर्दछन् जसका कारण उनीहरु राती अबेरसम्म जागा हुने बानी पर्दछ । यदि तपाईं पनि यस्तै गरिरहनु भएको छ भने यो बानी आजैदेखि त्याग्नुहोस् ।

सुत्नुअघि टिभी नहेर्नुहोस्ः

धेरै मानिसहरु सुत्नुभन्दा अघि टेलिभिजन हेर्ने गर्दछन् । यस्तो बानीले पनि निन्द्रा बिथोल्ने गर्दछ । सकेसम्म यो बानीलाई छोड्नुहोस् ।

To read in your mobile download our android app from google play store. Click Here To Download App