काठमाडौंको तापक्रम शून्य डिग्रीमा झर्यो
आइतबार, २३ पुष २०७४
काठमाडौं, काठमाडौंमा आइतबार यसवर्षकै सबैभन्दा धेरै चिसो भएको छ । आइतबार बिहान तापक्रम शून्य डिग्री सेल्सियसमा झरेको छ ।
यसअघि शुक्रबार तापक्रम एक दशमलव ५ डिग्री मापन गरिएको थियो । पश्चिमी वायुको प्रभावसँगै भारतको जम्मु काश्मिर हुँदै हिमाल माथिबाट हावा आएकाले चिसो बढेको मौसमविद् वरुण पौडेलले बताउनुभयो ।
काठमाडौं उपत्यकाको न्यूनतम तापक्रमको विगतको अवस्थालाई हेर्दा अहिलेसम्म माइनस तीन डिग्रीभन्दा तल झरेको छैन ।
मौसम पूर्वानुमान महाशाखाका अनुसार सन् १९९८ जनवरी ११ को दिन हालसम्मकै सबैभन्दा कम न्यूनतम तापक्रम माइनस तीन दशमलव पाँच डिग्रीसेल्सियस पुगेको थियो ।
अघिल्लो वर्ष सन् २०१७ को जनवरी १४ मा ० दशमलव ४ डिग्रिसेल्सियस तापक्रम रेकर्ड भएको थियो ।विगतको अवस्थालाई हेर्दा यो पटक न्यूनतम तापक्रम अझै घट्ने मौसमविद्को भनाइ छ ।
To read in your mobile download our android app from google play store. Click Here To Download App
प्रतिक्रिया दिनुहोस्