महिनावारीमा यस्ता बानी हुनसक्छ तपाईंलाई भारी

मङ्गलबार, २० भदौ २०७४

हरेक महिना महिलाहरु महिनावारी हुनु एक प्राकृतिक प्रक्रिया हो । तर यतिबेला केही सावधानी नअपनाए स्वास्थ्यमा गम्भीर असर पर्न सक्छन् । मेदान्त द मिडिसिटी हस्पिटल, गुडवांवकी स्त्रीरोग विशेषज्ञ डा. सभ्यता गुप्ताले यस्ता ९ गल्तीबारे जानकारी दिएकी छिन् जुन महिनावारीका बेला गर्नुहुँदैन ।

याे पनि पढ्नुहाेसः स्तनपान गराउने महिलाले बिर्सेर पनि नगर्नुहोस् यी गल्ती

शारिरिक सम्बन्धः

महिनावारीका बेला शारिरिक सम्बन्ध स्थापित गर्दा संक्रमणको खतरा बढ्ने गर्दछ । यस्तोमा पीडा पनि बढ्न सक्छ ।

अत्यधिक व्यायामः

महिनावारीको क्रममा अत्यधिक व्यायाम वा योगा गर्दा शरिरको रक्तसंचार बढ्ने गर्दछ । यस्तोमा पेट दुखाई र अत्यधिक रक्तश्राव हुन थाल्छ । त्यसकारण निकै हल्का व्यायाम गर्नुहोस् ।

याे पनि पढ्नुहाेसः यसकारण बग्छ महिलामा सेतो पानी

सरसफाईमा ध्यान नदिनुः

महिनावारीको क्रममा शरिरलाई सफा नराख्दा थुप्र्रै स्वास्थ्य समस्या हुनसक्छ । सेनेटरी न्यापकिनलाई हरेक तीन वा ४ घण्टामा परिवर्तन नगर्दा ब्याक्टेरियल इन्फेक्शनको खतरा बढ्न सक्छ ।

व्रत बस्नुः

महिनावारीका बेला शरिरलाई भिटामिन र मिनरल्सको निकै आवश्यकता पर्ने गर्दछ । यस्तोमा व्रत राख्दा विभिन्न स्वास्थ्य समस्या हुनसक्छ ।

पर्याप्त नसुत्नु:

महिनावारीको क्रममा कम्तीमा पनि ८ घण्टा नसुत्दा शरिर रिल्याक्स हुन पाउँदैन । यस्तोमा टाउको दुख्ने र शरिर दुख्नेलगायतका समस्या हुन थाल्छ ।

याे पनि पढ्नुहाेसः महिनावारीमा देखिने स्वास्थ्य समस्या र ध्यान दिनुपर्ने कुरा

रासायनिक उत्पादनको प्रयोगः

महिनावारी हुँदा गुप्ताङ्गलाई धुनका लागि रासायनिक उत्पादनको प्रयोग गर्दा पीडा र संक्रमण बढ्ने खतरा निम्तिन सक्छ ।

फास्ट फूड खानुः

महिनावारीका बेला स्यान्डविच, बर्गर, पिज्जा वा चिप्सजस्ता फास्ट फूड खाँदा शरिरलाई आवश्यक भिटामिन र मिनरल्स पाइँदैन । यस्तोमा शरिर कमजोर हुन थाल्छ ।

याे पनि पढ्नुहाेसः स्तन र सम्भोग – भ्रम,यथार्थ, समस्या र समाधान

धेरै कफी पिउँदाः

महिनावारीका बेला धेरै मात्रामा कफी पिउँदा शरिरमा पानीको मात्रा कम हुन्छ । यसले पेट दुखाईको समस्या थप निम्त्याउन सक्छ ।